मुंबई (बातमीवाला): केंद्रीय विद्यालय संघटन (KVS) आणि नवोदय विद्यालय समिती (NVS) यांनी एकत्रितपणे २०२५ साठी १४,९६७ रिक्त पदांची थेट भरती जाहीर केली आहे. यात प्रिन्सिपाल, पोस्ट ग्रॅज्युएट टीचर (PGT), ट्रेंड ग्रॅज्युएट टीचर (TGT), प्रायमरी टीचर (PRT) यांच्यासह विविध प्रशासकीय आणि सहाय्यक पदांचा समावेश आहे. ही भरती देशभरातील केंद्रीय विद्यालये आणि जवाहर नवोदय विद्यालयांमध्ये होणार असून, इच्छुक उमेदवार ४ डिसेंबर २०२५ रात्री ११:५० पर्यंत ऑनलाइन अर्ज करू शकतात.
ही भरती दोन्ही संस्थांच्या स्वतंत्र जाहिरातींवर आधारित असून, एकूण ९,१२६ पदे KVS साठी तर ५,८४१ पदे NVS साठी आहेत. दोन्ही संस्था शिक्षण मंत्रालयाअंतर्गत येतात, त्यामुळे अर्जप्रक्रिया आणि परीक्षा स्वतंत्रच राहणार आहेत.
KVS मधील प्रमुख पदे (९,१२६ जागा)
- असिस्टंट कमिश्नर – ८
- प्रिन्सिपाल – १३४
- व्हाइस प्रिन्सिपाल – ५८
- PGT – १,४६५
- TGT – २,७९४
- प्रायमरी शिक्षक (PRT) – ३,३६५
- लायब्रेरियन – १४७
- प्रशासकीय अधिकारी, फायनान्स ऑफिसर, असिस्टंट सेक्शन ऑफिसर, स्टेनो, ज्युनियर सेक्रेटेरिएट असिस्टंट आदी पदे
NVS मधील प्रमुख पदे (५,८४१ जागा)
- असिस्टंट कमिश्नर – ९
- प्रिन्सिपाल – ९३
- PGT – १,५१३ + १८ (MIL)
- TGT – २,९७८ + ४४३ (तृतीय भाषा)
- ज्युनियर सेक्रेटेरिएट असिस्टंट – ५९८
- लॅब अटेंडंट – १६५
- मल्टी टास्किंग स्टाफ (MTS) – २४
२०२५ मध्ये एटीएम बिझनेस सुरू करून कमवा लाखो! सोप्या पायऱ्यांत पूर्ण मार्गदर्शन
वय मर्यादा (४ डिसेंबर २०२५ अखेर)
- असिस्टंट कमिश्नर : ५० वर्षे
- प्रिन्सिपाल : ३५-५० वर्षे
- PGT : ४० वर्षे
- TGT : ३५ वर्षे
- PRT : ३० वर्षे
- ज्युनियर सेक्रेटेरिएट असिस्टंट/स्टेनो : २७ वर्षे
(SC/ST: ५ वर्षे, OBC: ३ वर्षे सूट लागू)
शैक्षणिक पात्रता (संक्षेपात)
- PGT : संबंधित विषयात ५०% गुणांसह मास्टर्स + B.Ed.
- TGT : संबंधित विषयात ५०% गुणांसह बॅचलर डिग्री + B.Ed.
- PRT : १२वी ५०% + D.El.Ed./B.El.Ed. किंवा B.Ed.
- प्रशासकीय पदे : पदवी + संबंधित क्षेत्रातील अनुभव आणि आंतररिक उमेदवारांसाठी वेतन स्तराची अट
अर्ज शुल्क
- प्रिन्सिपाल/असिस्टंट कमिश्नर : ₹२,८००/-
- PGT/TGT/लायब्रेरियन : ₹२,०००/-
- इतर बिगरशिक्षकी पदे : ₹१,७००/-
(SC/ST/PWD/माजी सैनिकांसाठी फक्त ₹५००/- नाममात्र शुल्क)
कार इन्शुरन्स घेताना ‘या’ ६ महत्त्वाच्या अॅड-ऑन्सकडे लक्ष द्या, नाहीतर मोठं नुकसान होऊ शकतं!
महत्त्वाच्या तारखा
- ऑनलाइन अर्जाची शेवटची तारीख : ४ डिसेंबर २०२५ (रात्री ११:५० पर्यंत)
- परीक्षा तारखा : नंतर जाहीर होतील
- अर्ज फी भरण्याची शेवटची तारीख : ४ डिसेंबर २०२५
उमेदवारांनी KVS साठी https://kvsangathan.nic.in आणि NVS साठी https://navodaya.gov.in या अधिकृत संकेतस्थळांवरूनच जाहिरात डाउनलोड करावी आणि अर्ज करावा. काही खासगी वेबसाइट्सवरून चुकीची किंवा जुनी माहिती पसरवली जात आहे, त्यामुळे फक्त अधिकृत संकेतस्थळांचाच आधार घ्यावा, असे आवाहन दोन्ही संस्थांनी केले आहे.
ही भरती गेल्या अनेक वर्षांतील सर्वात मोठ्या शिक्षक भरतींपैकी एक मानली जात आहे. लाखो बेरोजगार तरुण-तरुणींसाठी ही सुवर्णसंधी ठरणार आहे.
