नवी दिल्ली (बातमीवाला): भारत सरकारच्या मंत्रिमंडल सचिवालयाने (Cabinet Secretariat) डेप्युटी फील्ड ऑफिसर (टेक्निकल) या पदाच्या एकूण २५० जागांसाठी मोठी भरती जाहीर केली आहे. जाहिरात क्रमांक ०२/२०२५ नुसार ही भरती पूर्णपणे GATE २०२३, २०२४ किंवा २०२५ च्या वैध स्कोअरच्या आधारे होणार आहे. इंजिनिअरिंग आणि सायन्सच्या पदवीधरांसाठी ही खूपच चांगली आणि थेट संधी आहे, कारण यात कोणतीही लेखी परीक्षा नाही, फक्त GATE स्कोरवर शॉर्टलिस्टिंग होईल.
ही भरती ऑफलाइन पद्धतीने होत आहे आणि अर्ज करण्यासाठी एकही रुपया शुल्क नाही. अर्ज फक्त पोस्टाने पाठवायचा आहे, त्यामुळे उमेदवारांना घाई करून तयारी करावी लागेल.
एकूण जागा : २५०
पदाचे नाव : डेप्युटी फील्ड ऑफिसर (टेक्निकल) – पे लेव्हल ७
विषयानुसार जागांचा तपशील :
- कॉम्प्युटर सायन्स / आयटी – १२४ जागा
- डेटा सायन्स / आर्टिफिशियल इंटेलिजन्स – १० जागा
- इलेक्ट्रॉनिक्स अँड कम्युनिकेशन / टेलिकम्युनिकेशन – ९५ जागा
- सिव्हिल इंजिनिअरिंग – ०२ जागा
- मेकॅनिकल इंजिनिअरिंग – ०२ जागा
- फिजिक्स – ०६ जागा
- केमिस्ट्री – ०४ जागा
- मॅथेमॅटिक्स – ०२ जागा
- स्टॅटिस्टिक्स – ०२ जागा
- जिओलॉजी – ०३ जागा
शैक्षणिक पात्रता :
- कॉम्प्युटर सायन्स, आयटी, डेटा सायन्स, एआय, इलेक्ट्रॉनिक्स, कम्युनिकेशन, टेलिकम्युनिकेशन, सिव्हिल, मेकॅनिकल या शाखेत B.E./B.Tech किंवा
- फिजिक्स, केमिस्ट्री, मॅथेमॅटिक्स, स्टॅटिस्टिक्स, जिओलॉजीमध्ये M.Sc.
- आणि GATE २०२३, २०२४ किंवा २०२५ मध्ये संबंधित पेपरमध्ये वैध स्कोर असणे अनिवार्य.
कार इन्शुरन्स घेताना ‘या’ ६ महत्त्वाच्या अॅड-ऑन्सकडे लक्ष द्या, नाहीतर मोठं नुकसान होऊ शकतं!
वयाची अट :
१४ डिसेंबर २०२५ रोजी जास्तीत जास्त ३० वर्षे
(SC/ST – ५ वर्षे सूट, OBC – ३ वर्षे सूट, इतर नियमांनुसारही सूट लागू)
नोकरीचे ठिकाण : नवी दिल्ली
अर्ज शुल्क : पूर्णपणे मोफत (कोणताही शुल्क नाही)
अर्ज करण्याची पद्धत : फक्त ऑफलाइन
अर्ज भरलेला लिफाफा खालील पत्त्यावर पोस्टाने पाठवावा :
Post Bag No. 001,
Lodhi Road Head Post Office,
New Delhi – 110003
अर्ज पोहोचण्याची शेवटची तारीख : १४ डिसेंबर २०२५ (संध्याकाळ ५ वाजेपर्यंत पोहोचला पाहिजे)
उमेदवारांनी अधिकृत जाहिरातीत नमूद केलेला अर्ज फॉर्मेट डाउनलोड करून, सर्व कागदपत्रे जोडून वेळेत पाठवावा. GATE स्कोर कार्ड आणि शैक्षणिक प्रमाणपत्रांच्या स्वयंप्रमाणित छायांकित प्रती जोडणे बंधनकारक आहे.
ही भरती पूर्णपणे अधिकृत असून, मंत्रिमंडल सचिवालयाच्या cabsec.gov.in या वेबसाइटवर जाहिरात आणि अर्ज फॉर्म उपलब्ध आहे. जे उमेदवार GATE पास आहेत त्यांनी ही सुवर्णसंधी सोडू नये, कारण अशा प्रकारची थेट GATE वर आधारित भरती फार क्वचित येते.
अधिक माहिती आणि जाहिरात PDF साठी cabsec.gov.in ला भेट द्या किंवा रोजगार बातम्यांमधील विश्वसनीय स्त्रोत तपासा. अर्ज वेळेत पोहोचला नाही तर जबाबदारी उमेदवाराची राहील.
