OICL Bharti 2025: ओरिएंटल इन्शुरन्स कंपनी लिमिटेड मध्ये 500 जागांसाठी भरती

OICL Bharti 2025: ओरिएंटल इन्शुरन्स कंपनी लिमिटेड (OICL), भारत सरकारच्या मालकीची विमा कंपनी, यांनी 2025 साठी 500 असिस्टंट (क्लास III) पदांसाठी अधिसूचना (जाहिरात क्र.: OICL/Rect./2025) जारी केली आहे. ही भरती 10 वर्षांनंतर होत असून, विमा क्षेत्रात स्थिर करिअर इच्छिणाऱ्या उमेदवारांसाठी ही सुवर्णसंधी आहे. ऑनलाइन अर्ज 2 ऑगस्ट 2025 पासून सुरू झाले असून, 17 ऑगस्ट 2025 ही अर्ज करण्याची अंतिम तारीख आहे.

पदांचा तपशील आणि रिक्त जागा

OICL भरती 2025 अंतर्गत 500 असिस्टंट (क्लास III) पदे भरण्यात येणार आहेत, यात बॅकलॉग जागांचाही समावेश आहे. ही पदे देशभरातील OICL च्या 29 प्रादेशिक कार्यालये आणि 2,000 हून अधिक शाखांमध्ये उपलब्ध आहेत. राज्यनिहाय आणि श्रेणीनिहाय जागांचा तपशील अधिकृत अधिसूचनेत उपलब्ध आहे.

पात्रता निकष

• शैक्षणिक पात्रता: कोणत्याही शाखेतील पदवी, केंद्र सरकारमान्य विद्यापीठातून किंवा समकक्ष पात्रता. उमेदवाराने SSC/HSC/पदवी स्तरावर इंग्रजी विषयाचा अभ्यास केलेला असावा. स्थानिक भाषेचे (वाचन, लेखन, बोलणे) ज्ञान अनिवार्य आहे.
• वय मर्यादा: 31 जुलै 2025 रोजी 21 ते 30 वर्षे (जन्म 31 जुलै 1995 ते 31 जुलै 2004 दरम्यान). SC/ST साठी 5 वर्षे, OBC साठी 3 वर्षे, आणि PwBD साठी 10 वर्षे वय सूट आहे.
• राष्ट्रीयत्व: उमेदवार भारतीय नागरिक असावा किंवा भारतात कायमस्वरूपी स्थायिक होण्याच्या उद्देशाने आलेला तिबेटी निर्वासित/पाकिस्तान, श्रीलंका, बर्मा, किंवा पूर्व आफ्रिकेतील विशिष्ट देशांमधून स्थलांतरित व्यक्ती असावा, ज्यांच्याकडे भारत सरकारचे पात्रता प्रमाणपत्र आहे.

Bank of Baroda Bharti 2025: 330 स्पेशलिस्ट ऑफिसर पदांसाठी 19 ऑगस्टपर्यंत अर्ज करा

निवड प्रक्रिया

OICL असिस्टंट भरती 2025 ची निवड प्रक्रिया तीन टप्प्यांत आहे:

1. प्राथमिक परीक्षा (टियर 1): 7 सप्टेंबर 2025 रोजी. 100 गुणांचा ऑनलाइन वस्तुनिष्ठ परीक्षा, 60 मिनिटे. विभाग: तर्कक्षमता (35 गुण), इंग्रजी भाषा (30 गुण), आणि संख्यात्मक क्षमता (35 गुण). प्रत्येक चुकीच्या उत्तरासाठी 0.25 गुण वजा. ही परीक्षा पात्रता ठरविणारी आहे.
2. मुख्य परीक्षा (टियर 2): 28 ऑक्टोबर 2025 रोजी. 200 गुणांचा ऑनलाइन वस्तुनिष्ठ परीक्षा, 120 मिनिटे. विभाग: तर्कक्षमता, संख्यात्मक क्षमता, इंग्रजी भाषा, सामान्य जागरूकता, आणि संगणक ज्ञान. प्रत्येक चुकीच्या उत्तरासाठी 0.25 गुण वजा. अंतिम निवडीसाठी या परीक्षेचे गुण ग्राह्य धरले जातील.
3. प्रादेशिक भाषा चाचणी: मुख्य परीक्षेत पात्र ठरलेले उमेदवार स्थानिक भाषेच्या प्रावीण्य चाचणीसाठी पात्र ठरतील. याची तारीख नंतर जाहीर होईल.

अर्ज प्रक्रिया आणि फी

अर्ज फक्त ऑनलाइन पद्धतीने www.orientalinsurance.org.in वर करता येईल. खालीलप्रमाणे प्रक्रिया:

1. नोंदणी: “Careers” विभागात “Apply Online” वर क्लिक करून नाव, ईमेल, आणि मोबाइल नंबर टाका. नोंदणीनंतर मिळालेला आयडी आणि पासवर्ड जपून ठेवा.
2. अर्ज भरणे: वैयक्तिक, शैक्षणिक माहिती भरा. छायाचित्र (4.5×3.5 सेमी, 20-50 KB, JPG), स्वाक्षरी (10-20 KB, JPG), आणि इतर कागदपत्रे अपलोड करा.
3. फी भरणे: General/OBC/EWS: ₹850 (GST सह), SC/ST/PWD/ExSM: ₹100 (केवळ इंटिमेशन शुल्क). फी डेबिट/क्रेडिट कार्ड, UPI, किंवा नेट बँकिंगद्वारे भरावी.
   अर्ज सुधारणा 18 ऑगस्ट 2025 नंतर शक्य नाही.

MPSC Bharti 2025: 156 उपव्यवस्थापक, औषध निरीक्षक, वरिष्ठ संशोधन अधिकारी पदांसाठी 21 ऑगस्टपर्यंत अर्ज करा.

पगार आणि सुविधा

OICL असिस्टंटचा प्रारंभिक मूळ पगार ₹22,405 आहे, जो वेतनश्रेणीनुसार वाढतो: ₹22,405-62,265. मेट्रो शहरात हातात येणारा पगार सुमारे ₹40,000 मासिक आहे, यात महागाई भत्ता, गृह भाडे भत्ता, वैद्यकीय लाभ, आणि प्रवास सबसिडी यांचा समावेश आहे. कर्मचाऱ्यांना ग्रुप मेडिक्लेम आणि इतर कल्याणकारी सुविधा मिळतात.

प्रवेशपत्र आणि निकाल

• प्रवेशपत्र: टियर 1 साठी प्रवेशपत्र 25 ऑगस्ट 2025 पासून www.orientalinsurance.org.in वर उपलब्ध होईल.
• निकाल: प्रत्येक टप्प्याचा निकाल अधिकृत संकेतस्थळावर जाहीर होईल, ज्यासाठी रोल नंबर/जन्मतारीख आवश्यक आहे.